Capítulo 40
1לַמְנַצֵּחַ לְדָוִד מִזְמֽוֹרLamnatzeja ledavid mizmor
2קַוֺּה קִוִּיתִי יְהֹוָה וַיֵּט אֵלַי וַיִּשְׁמַע שַׁוְעָתִֽיKao kiviti Adonai vayet elay vayishma shavati
3וַיַּעֲלֵנִי מִבּוֹר שָׁאוֹן מִטִּיט הַיָּוֵן וַיָּקֶם עַל־סֶלַע רַגְלַי כּוֹנֵן אֲשֻׁרָֽיVayaaleni mibor shaon mitit hayaven vayakem al-sela raglay konen ashuray
4וַיִּתֵּן בְּפִי שִׁיר חָדָשׁ תְּהִלָּה לֵאלֹהֵינוּ יִרְאוּ רַבִּים וְיִירָאוּ וְיִבְטְחוּ בַּיהֹוָֽהVayiten befi shir jadash tehila leloheynu yiru rabim veyirau veyivtju bayhova
5אַשְֽׁרֵי־הַגֶּבֶר אֲשֶׁר־שָׂם יְהֹוָה מִבְטַחוֹ וְֽלֹא־פָנָה אֶל־רְהָבִים וְשָׂטֵי כָזָֽבAshrey-hagever asher-sam Adonai mivtajo velo-fana el-rehavim vesatey jazav
6רַבּוֹת עָשִׂיתָ אַתָּה יְהֹוָה אֱלֹהַי נִפְלְאֹתֶיךָ וּמַחְשְׁבֹתֶיךָ אֵלֵינוּ אֵין עֲרֹךְ אֵלֶיךָ אַגִּידָה וַאֲדַבֵּרָה עָצְמוּ מִסַּפֵּֽרRabot asita ata Adonai elohay nifloteyja umajshvoteyja eleynu eyn aroj eleyja agida vaadabera atzmu misaper
7זֶבַח וּמִנְחָה לֹֽא־חָפַצְתָּ אׇזְנַיִם כָּרִיתָ לִּי עוֹלָה וַחֲטָאָה לֹא שָׁאָֽלְתָּZevaj uminja lo-jafatzta oznayim karita li ola vajataa lo shaalta
8אָז אָמַרְתִּי הִנֵּה־בָאתִי בִּמְגִלַּת־סֵפֶר כָּתוּב עָלָֽיAz amarti hine-vati bimgilat-sefer katuv alay
9לַעֲשׂוֹת־רְצוֹנְךָ אֱלֹהַי חָפָצְתִּי וְתוֹרָתְךָ בְּתוֹךְ מֵעָֽיLaasot-retzonja elohay jafatzti vetoratja betoj meay
10בִּשַּׂרְתִּי צֶדֶק בְּקָהָל רָב הִנֵּה שְׂפָתַי לֹא אֶכְלָא יְהֹוָה אַתָּה יָדָֽעְתָּBisarti tzedek bekahal rav hine sefatay lo ejla Adonai ata yadata
11צִדְקָתְךָ לֹֽא־כִסִּיתִי בְּתוֹךְ לִבִּי אֱמוּנָתְךָ וּתְשׁוּעָתְךָ אָמָרְתִּי לֹא־כִחַדְתִּי חַסְדְּךָ וַאֲמִתְּךָ לְקָהָל רָֽבTzidkatja lo-jisiti betoj libi emunatja utshuatja amarti lo-jijadti jasdja vaamitja lekahal rav
12אַתָּה יְהֹוָה לֹֽא־תִכְלָא רַחֲמֶיךָ מִמֶּנִּי חַסְדְּךָ וַאֲמִתְּךָ תָּמִיד יִצְּרֽוּנִיAta Adonai lo-tijla rajameyja mimeni jasdja vaamitja tamid yitzruni
13כִּי אָפְפֽוּ־עָלַי רָעוֹת עַד־אֵין מִסְפָּר הִשִּׂיגוּנִי עֲוֺנֹתַי וְלֹא־יָכֹלְתִּי לִרְאוֹת עָצְמוּ מִשַּׂעֲרוֹת רֹאשִׁי וְלִבִּי עֲזָבָֽנִיKi affu-alay raot ad-eyn mispar hisiguni aonotay velo-yajolti lirot atzmu misaarot roshi velibi azavani
14רְצֵה יְהֹוָה לְהַצִּילֵנִי יְהֹוָה לְעֶזְרָתִי חֽוּשָׁהRetze Adonai lehatzileni Adonai leezrati jusha
15יֵבֹשׁוּ וְיַחְפְּרוּ יַחַד מְבַקְשֵׁי נַפְשִׁי לִסְפּוֹתָהּ יִסֹּגוּ אָחוֹר וְיִכָּלְמוּ חֲפֵצֵי רָעָתִֽיYevoshu veyajpru yajad mevakshey nafshi lispotah yisogu ajor veyikalmu jafetzey raati
16יָשֹׁמּוּ עַל־עֵקֶב בׇּשְׁתָּם הָאֹמְרִים לִי הֶאָח הֶאָֽחYashomu al-ekev boshtam haomrim li heaj heaj
17יָשִׂישׂוּ וְיִשְׂמְחוּ בְּךָ כׇּֽל־מְבַקְשֶׁיךָ יֹאמְרוּ תָמִיד יִגְדַּל יְהֹוָה אֹהֲבֵי תְּשׁוּעָתֶֽךָYasisu veyismju beja kol-mevaksheyja yomru tamid yigdal Adonai ohavey teshuateja
18וַאֲנִי עָנִי וְאֶבְיוֹן אֲדֹנָי יַחֲשׇׁב־לִי עֶזְרָתִי וּמְפַלְטִי אַתָּה אֱלֹהַי אַל־תְּאַחַֽרVaani ani veevyon adonay yajashov-li ezrati umfalti ata elohay al-teajar