Capítulo 39
1לַמְנַצֵּחַ (לידיתון) [לִֽידוּתוּן] מִזְמוֹר לְדָוִֽדLamnatzeja (lydytvn) [lidutun] mizmor ledavid
2אָמַרְתִּי אֶשְׁמְרָה דְרָכַי מֵחֲטוֹא בִלְשׁוֹנִי אֶשְׁמְרָה לְפִי מַחְסוֹם בְּעֹד רָשָׁע לְנֶגְדִּֽיAmarti eshmra derajay mejato vilshoni eshmra lefi majsom beod rasha lenegdi
3נֶאֱלַמְתִּי דוּמִיָּה הֶחֱשֵׁיתִי מִטּוֹב וּכְאֵבִי נֶעְכָּֽרNeelamti dumiya hejesheyti mitov ujevi nekar
4חַם־לִבִּי בְּקִרְבִּי בַּהֲגִיגִי תִבְעַר־אֵשׁ דִּבַּרְתִּי בִּלְשׁוֹנִֽיJam-libi bekirbi bahagigi tivar-esh dibarti bilshoni
5הוֹדִיעֵנִי יְהֹוָה קִצִּי וּמִדַּת יָמַי מַה־הִיא אֵדְעָה מֶה־חָדֵל אָֽנִיHodieni Adonai kitzi umidat yamay ma-hi eda me-jadel ani
6הִנֵּה טְפָחוֹת נָתַתָּה יָמַי וְחֶלְדִּי כְאַיִן נֶגְדֶּךָ אַךְ כׇּֽל־הֶבֶל כׇּל־אָדָם נִצָּב סֶֽלָהHine tefajot natata yamay vejeldi jeayin negdeja aj kol-hevel kol-adam nitzav sela
7אַךְ־בְּצֶלֶם יִֽתְהַלֶּךְ־אִישׁ אַךְ־הֶבֶל יֶהֱמָיוּן יִצְבֹּר וְֽלֹא־יֵדַע מִֽי־אֹסְפָֽםAj-betzelem yithalej-ish aj-hevel yehemayun yitzbor velo-yeda mi-osfam
8וְעַתָּה מַה־קִּוִּיתִי אֲדֹנָי תּוֹחַלְתִּי לְךָ הִֽיאVeata ma-kiviti adonay tojalti leja hi
9מִכׇּל־פְּשָׁעַי הַצִּילֵנִי חֶרְפַּת נָבָל אַל־תְּשִׂימֵֽנִיMikol-peshaay hatzileni jerpat naval al-tesimeni
10נֶאֱלַמְתִּי לֹא אֶפְתַּח־פִּי כִּי אַתָּה עָשִֽׂיתָNeelamti lo eftaj-pi ki ata asita
11הָסֵר מֵעָלַי נִגְעֶךָ מִתִּגְרַת יָדְךָ אֲנִי כָלִֽיתִיHaser mealay nigeja mitigrat yadja ani jaliti
12בְּֽתוֹכָחוֹת עַל־עָוֺן יִסַּרְתָּ אִישׁ וַתֶּמֶס כָּעָשׁ חֲמוּדוֹ אַךְ הֶבֶל כׇּל־אָדָם סֶֽלָהBetojajot al-aon yisarta ish vatemes kaash jamudo aj hevel kol-adam sela
13שִׁמְעָֽה־תְפִלָּתִי יְהֹוָה וְשַׁוְעָתִי הַאֲזִינָה אֶֽל־דִּמְעָתִי אַֽל־תֶּחֱרַשׁ כִּי גֵר אָנֹכִי עִמָּךְ תּוֹשָׁב כְּכׇל־אֲבוֹתָֽיShima-tefilati Adonai veshavati haazina el-dimati al-tejerash ki ger anoji imaj toshav kejol-avotay
14הָשַׁע מִמֶּנִּי וְאַבְלִיגָה בְּטֶרֶם אֵלֵךְ וְאֵינֶֽנִּיHasha mimeni veavliga beterem elej veeyneni