Capítulo 107
1הֹדוּ לַיהֹוָה כִּי־טוֹב כִּי לְעוֹלָם חַסְדּֽוֹHodu layhova ki-tov ki leolam jasdo
2יֹאמְרוּ גְּאוּלֵי יְהֹוָה אֲשֶׁר גְּאָלָם מִיַּד־צָֽרYomru geuley Adonai asher gealam miyad-tzar
3וּֽמֵאֲרָצוֹת קִבְּצָם מִמִּזְרָח וּמִֽמַּעֲרָב מִצָּפוֹן וּמִיָּֽםUmearatzot kibtzam mimizraj umimaarav mitzafon umiyam
4תָּעוּ בַמִּדְבָּר בִּישִׁימוֹן דָּרֶךְ עִיר מוֹשָׁב לֹא מָצָֽאוּTau vamidbar bishimon darej ir moshav lo matzau
5רְעֵבִים גַּם־צְמֵאִים נַפְשָׁם בָּהֶם תִּתְעַטָּֽףReevim gam-tzemeim nafsham bahem titataf
6וַיִּצְעֲקוּ אֶל־יְהֹוָה בַּצַּר לָהֶם מִמְּצוּקוֹתֵיהֶם יַצִּילֵֽםVayitzaku el-Adonai batzar lahem mimtzukoteyhem yatzilem
7וַֽיַּדְרִיכֵם בְּדֶרֶךְ יְשָׁרָה לָלֶכֶת אֶל־עִיר מוֹשָֽׁבVayadrijem bederej yeshara lalejet el-ir moshav
8יוֹדוּ לַיהֹוָה חַסְדּוֹ וְנִפְלְאוֹתָיו לִבְנֵי אָדָֽםYodu layhova jasdo veniflotayv livney adam
9כִּֽי־הִשְׂבִּיעַ נֶפֶשׁ שֹׁקֵקָה וְנֶפֶשׁ רְעֵבָה מִלֵּא־טֽוֹבKi-hisbia nefesh shokeka venefesh reeva mile-tov
10יֹשְׁבֵי חֹשֶׁךְ וְצַלְמָוֶת אֲסִירֵי עֳנִי וּבַרְזֶֽלYoshvey joshej vetzalmavet asirey oni uvarzel
11כִּֽי־הִמְרוּ אִמְרֵי־אֵל וַעֲצַת עֶלְיוֹן נָאָֽצוּKi-himru imrey-el vaatzat elyon naatzu
12וַיַּכְנַע בֶּעָמָל לִבָּם כָּשְׁלוּ וְאֵין עֹזֵֽרVayajna beamal libam kashlu veeyn ozer
13וַיִּזְעֲקוּ אֶל־יְהֹוָה בַּצַּר לָהֶם מִמְּצֻקוֹתֵיהֶם יוֹשִׁיעֵֽםVayizaku el-Adonai batzar lahem mimtzukoteyhem yoshiem
14יוֹצִיאֵם מֵחֹשֶׁךְ וְצַלְמָוֶת וּמוֹסְרוֹתֵיהֶם יְנַתֵּֽקYotziem mejoshej vetzalmavet umosroteyhem yenatek
15יוֹדוּ לַיהֹוָה חַסְדּוֹ וְנִפְלְאוֹתָיו לִבְנֵי אָדָֽםYodu layhova jasdo veniflotayv livney adam
16כִּי־שִׁבַּר דַּלְתוֹת נְחֹשֶׁת וּבְרִיחֵי בַרְזֶל גִּדֵּֽעַKi-shibar daltot nejoshet uvrijey varzel gidea
17אֱוִלִים מִדֶּרֶךְ פִּשְׁעָם וּֽמֵעֲוֺנֹתֵיהֶם יִתְעַנּֽוּEvilim miderej pisham umeaonoteyhem yitanu
18כׇּל־אֹכֶל תְּתַעֵב נַפְשָׁם וַיַּגִּיעוּ עַד־שַׁעֲרֵי מָֽוֶתKol-ojel tetaev nafsham vayagiu ad-shaarey mavet
19וַיִּזְעֲקוּ אֶל־יְהֹוָה בַּצַּר לָהֶם מִמְּצֻקוֹתֵיהֶם יוֹשִׁיעֵֽםVayizaku el-Adonai batzar lahem mimtzukoteyhem yoshiem
20יִשְׁלַח דְּבָרוֹ וְיִרְפָּאֵם וִימַלֵּט מִשְּׁחִֽיתוֹתָֽםYishlaj devaro veyirpaem vimalet mishjitotam
21יוֹדוּ לַיהֹוָה חַסְדּוֹ וְנִפְלְאוֹתָיו לִבְנֵי אָדָֽםYodu layhova jasdo veniflotayv livney adam
22וְיִזְבְּחוּ זִבְחֵי תוֹדָה וִיסַפְּרוּ מַעֲשָׂיו בְּרִנָּֽהVeyizbju zivjey toda visapru maasayv berina
23יוֹרְדֵי הַיָּם בׇּאֳנִיּוֹת עֹשֵׂי מְלָאכָה בְּמַיִם רַבִּֽיםYordey hayam booniot osey melaja bemayim rabim
24הֵמָּה רָאוּ מַעֲשֵׂי יְהֹוָה וְנִפְלְאוֹתָיו בִּמְצוּלָֽהHema rau maasey Adonai veniflotayv bimtzula
25וַיֹּאמֶר וַֽיַּעֲמֵד רוּחַ סְעָרָה וַתְּרוֹמֵם גַּלָּֽיוVayomer vayaamed ruja seara vatromem galayv
26יַעֲלוּ שָׁמַיִם יֵרְדוּ תְהוֹמוֹת נַפְשָׁם בְּרָעָה תִתְמוֹגָֽגYaalu shamayim yerdu tehomot nafsham beraa titmogag
27יָחוֹגּוּ וְיָנוּעוּ כַּשִּׁכּוֹר וְכׇל־חׇכְמָתָם תִּתְבַּלָּֽעYajogu veyanuu kashikor vejol-jojmatam titbala
28וַיִּצְעֲקוּ אֶל־יְהֹוָה בַּצַּר לָהֶם וּֽמִמְּצוּקֹתֵיהֶם יוֹצִיאֵֽםVayitzaku el-Adonai batzar lahem umimtzukoteyhem yotziem
29יָקֵם סְעָרָה לִדְמָמָה וַיֶּחֱשׁוּ גַּלֵּיהֶֽםYakem seara lidmama vayejeshu galeyhem
30וַיִּשְׂמְחוּ כִֽי־יִשְׁתֹּקוּ וַיַּנְחֵם אֶל־מְחוֹז חֶפְצָֽםVayismju ji-yishtoku vayanjem el-mejoz jeftzam
31יוֹדוּ לַיהֹוָה חַסְדּוֹ וְנִפְלְאוֹתָיו לִבְנֵי אָדָֽםYodu layhova jasdo veniflotayv livney adam
32וִֽירוֹמְמוּהוּ בִּקְהַל־עָם וּבְמוֹשַׁב זְקֵנִים יְהַלְלֽוּהוּVirommuhu bikhal-am uvmoshav zekenim yehalluhu
33יָשֵׂם נְהָרוֹת לְמִדְבָּר וּמֹצָאֵי מַיִם לְצִמָּאֽוֹןYasem neharot lemidbar umotzaey mayim letzimaon
34אֶרֶץ פְּרִי לִמְלֵחָה מֵרָעַת יוֹשְׁבֵי בָֽהּEretz peri limleja meraat yoshvey vah
35יָשֵׂם מִדְבָּר לַאֲגַם־מַיִם וְאֶרֶץ צִיָּה לְמֹצָאֵי מָֽיִםYasem midbar laagam-mayim veeretz tziya lemotzaey mayim
36וַיּוֹשֶׁב שָׁם רְעֵבִים וַיְכוֹנְנוּ עִיר מוֹשָֽׁבVayoshev sham reevim vayjonnu ir moshav
37וַיִּזְרְעוּ שָׂדוֹת וַיִּטְּעוּ כְרָמִים וַיַּעֲשׂוּ פְּרִי תְבוּאָֽהVayizru sadot vayitu jeramim vayaasu peri tevua
38וַיְבָרְכֵם וַיִּרְבּוּ מְאֹד וּבְהֶמְתָּם לֹא יַמְעִֽיטVayvarjem vayirbu meod uvhemtam lo yamit
39וַיִּמְעֲטוּ וַיָּשֹׁחוּ מֵעֹצֶר רָעָה וְיָגֽוֹןVayimatu vayashoju meotzer raa veyagon
40שֹׁפֵךְ בּוּז עַל־נְדִיבִים וַיַּתְעֵם בְּתֹהוּ לֹא־דָֽרֶךְShofej buz al-nedivim vayatem betohu lo-darej
41וַיְשַׂגֵּב אֶבְיוֹן מֵעוֹנִי וַיָּשֶׂם כַּצֹּאן מִשְׁפָּחֽוֹתVaysagev evyon meoni vayasem katzon mishpajot
42יִרְאוּ יְשָׁרִים וְיִשְׂמָחוּ וְכׇל־עַוְלָה קָפְצָה פִּֽיהָYiru yesharim veyismaju vejol-avla kaftza pi
43מִי־חָכָם וְיִשְׁמׇר־אֵלֶּה וְיִתְבּוֹנְנוּ חַֽסְדֵי יְהֹוָֽהMi-jajam veyishmor-ele veyitbonnu jasdey yehova