Capítulo 106
1הַלְלוּ־יָהּ הוֹדוּ לַיהֹוָה כִּי־טוֹב כִּי לְעוֹלָם חַסְדּֽוֹHallu-yah hodu layhova ki-tov ki leolam jasdo
2מִי יְמַלֵּל גְּבוּרוֹת יְהֹוָה יַשְׁמִיעַ כׇּל־תְּהִלָּתֽוֹMi yemalel gevurot Adonai yashmia kol-tehilato
3אַשְׁרֵי שֹׁמְרֵי מִשְׁפָּט עֹשֵׂה צְדָקָה בְכׇל־עֵֽתAshrey shomrey mishpat ose tzedaka vejol-et
4זׇכְרֵנִי יְהֹוָה בִּרְצוֹן עַמֶּךָ פׇּקְדֵנִי בִּישׁוּעָתֶֽךָZojreni Adonai birtzon ameja pokdeni bishuateja
5לִרְאוֹת בְּטוֹבַת בְּחִירֶיךָ לִשְׂמֹחַ בְּשִׂמְחַת גּוֹיֶךָ לְהִתְהַלֵּל עִם־נַחֲלָתֶֽךָLirot betovat bejireyja lismoja besimjat goyeja lehithalel im-najalateja
6חָטָאנוּ עִם־אֲבוֹתֵינוּ הֶעֱוִינוּ הִרְשָֽׁעְנוּJatanu im-avoteynu heevinu hirshanu
7אֲבוֹתֵינוּ בְמִצְרַיִם לֹא־הִשְׂכִּילוּ נִפְלְאוֹתֶיךָ לֹא זָכְרוּ אֶת־רֹב חֲסָדֶיךָ וַיַּמְרוּ עַל־יָם בְּיַם־סֽוּףAvoteynu vemitzrayim lo-hiskilu nifloteyja lo zajru et-rov jasadeyja vayamru al-yam beyam-suf
8וַֽיּוֹשִׁיעֵם לְמַעַן שְׁמוֹ לְהוֹדִיעַ אֶת־גְּבוּרָתֽוֹVayoshiem lemaan shemo lehodia et-gevurato
9וַיִּגְעַר בְּיַם־סוּף וַֽיֶּחֱרָב וַיּוֹלִיכֵם בַּתְּהֹמוֹת כַּמִּדְבָּֽרVayigar beyam-suf vayejerav vayolijem bathomot kamidbar
10וַֽיּוֹשִׁיעֵם מִיַּד שׂוֹנֵא וַיִּגְאָלֵם מִיַּד אוֹיֵֽבVayoshiem miyad sone vayigalem miyad oyev
11וַיְכַסּוּ־מַיִם צָרֵיהֶם אֶחָד מֵהֶם לֹא נוֹתָֽרVayjasu-mayim tzareyhem ejad mehem lo notar
12וַיַּאֲמִינוּ בִדְבָרָיו יָשִׁירוּ תְּהִלָּתֽוֹVayaaminu vidvarayv yashiru tehilato
13מִהֲרוּ שָׁכְחוּ מַעֲשָׂיו לֹא־חִכּוּ לַעֲצָתֽוֹMiharu shajju maasayv lo-jiku laatzato
14וַיִּתְאַוּוּ תַאֲוָה בַּמִּדְבָּר וַיְנַסּוּ־אֵל בִּישִׁימֽוֹןVayitauu taava bamidbar vaynasu-el bishimon
15וַיִּתֵּן לָהֶם שֶׁאֱלָתָם וַיְשַׁלַּח רָזוֹן בְּנַפְשָֽׁםVayiten lahem sheelatam vayshalaj razon benafsham
16וַיְקַנְאוּ לְמֹשֶׁה בַּֽמַּחֲנֶה לְאַהֲרֹן קְדוֹשׁ יְהֹוָֽהVaykanu lemoshe bamajane leaharon kedosh yehova
17תִּפְתַּח־אֶרֶץ וַתִּבְלַע דָּתָן וַתְּכַס עַל־עֲדַת אֲבִירָֽםTiftaj-eretz vativla datan vatjas al-adat aviram
18וַתִּבְעַר־אֵשׁ בַּעֲדָתָם לֶהָבָה תְּלַהֵט רְשָׁעִֽיםVativar-esh baadatam lehava telahet reshaim
19יַעֲשׂוּ־עֵגֶל בְּחֹרֵב וַיִּשְׁתַּחֲווּ לְמַסֵּכָֽהYaasu-egel bejorev vayishtajavu lemaseja
20וַיָּמִירוּ אֶת־כְּבוֹדָם בְּתַבְנִית שׁוֹר אֹכֵל עֵֽשֶׂבVayamiru et-kevodam betavnit shor ojel esev
21שָׁכְחוּ אֵל מוֹשִׁיעָם עֹשֶׂה גְדֹלוֹת בְּמִצְרָֽיִםShajju el moshiam ose gedolot bemitzrayim
22נִפְלָאוֹת בְּאֶרֶץ חָם נוֹרָאוֹת עַל־יַם־סֽוּףNiflaot beeretz jam noraot al-yam-suf
23וַיֹּאמֶר לְֽהַשְׁמִידָם לוּלֵי מֹשֶׁה בְחִירוֹ עָמַד בַּפֶּרֶץ לְפָנָיו לְהָשִׁיב חֲמָתוֹ מֵהַשְׁחִֽיתVayomer lehashmidam luley moshe vejiro amad baperetz lefanayv lehashiv jamato mehashjit
24וַֽיִּמְאֲסוּ בְּאֶרֶץ חֶמְדָּה לֹא־הֶאֱמִינוּ לִדְבָרֽוֹVayimasu beeretz jemda lo-heeminu lidvaro
25וַיֵּרָגְנוּ בְאׇהֳלֵיהֶם לֹא שָׁמְעוּ בְּקוֹל יְהֹוָֽהVayeragnu veoholeyhem lo shamu bekol yehova
26וַיִּשָּׂא יָדוֹ לָהֶם לְהַפִּיל אוֹתָם בַּמִּדְבָּֽרVayisa yado lahem lehapil otam bamidbar
27וּלְהַפִּיל זַרְעָם בַּגּוֹיִם וּלְזָרוֹתָם בָּאֲרָצֽוֹתUlhapil zaram bagoyim ulzarotam baaratzot
28וַיִּצָּמְדוּ לְבַעַל פְּעוֹר וַיֹּאכְלוּ זִבְחֵי מֵתִֽיםVayitzamdu levaal peor vayojlu zivjey metim
29וַיַּכְעִיסוּ בְּמַעַלְלֵיהֶם וַתִּפְרׇץ־בָּם מַגֵּפָֽהVayajisu bemaalleyhem vatifrotz-bam magefa
30וַיַּעֲמֹד פִּֽינְחָס וַיְפַלֵּל וַתֵּעָצַר הַמַּגֵּפָֽהVayaamod pinjas vayfalel vateatzar hamagefa
31וַתֵּחָשֶׁב לוֹ לִצְדָקָה לְדֹר וָדֹר עַד־עוֹלָֽםVatejashev lo litzdaka ledor vador ad-olam
32וַיַּקְצִיפוּ עַל־מֵי מְרִיבָה וַיֵּרַע לְמֹשֶׁה בַּעֲבוּרָֽםVayaktzifu al-mey meriva vayera lemoshe baavuram
33כִּי־הִמְרוּ אֶת־רוּחוֹ וַיְבַטֵּא בִּשְׂפָתָֽיוKi-himru et-rujo vayvate bisfatayv
34לֹֽא־הִשְׁמִידוּ אֶת־הָעַמִּים אֲשֶׁר אָמַר יְהֹוָה לָהֶֽםLo-hishmidu et-haamim asher amar Adonai lahem
35וַיִּתְעָרְבוּ בַגּוֹיִם וַֽיִּלְמְדוּ מַעֲשֵׂיהֶֽםVayitarvu vagoyim vayilmdu maaseyhem
36וַיַּעַבְדוּ אֶת־עֲצַבֵּיהֶם וַיִּהְיוּ לָהֶם לְמוֹקֵֽשׁVayaavdu et-atzabeyhem vayihyu lahem lemokesh
37וַיִּזְבְּחוּ אֶת־בְּנֵיהֶם וְאֶת־בְּנוֹתֵיהֶם לַשֵּׁדִֽיםVayizbju et-beneyhem veet-benoteyhem lashedim
38וַיִּשְׁפְּכוּ דָם נָקִי דַּם־בְּנֵיהֶם וּֽבְנוֹתֵיהֶם אֲשֶׁר זִבְּחוּ לַעֲצַבֵּי כְנָעַן וַתֶּחֱנַף הָאָרֶץ בַּדָּמִֽיםVayishpju dam naki dam-beneyhem uvnoteyhem asher zibju laatzabey jenaan vatejenaf haaretz badamim
39וַיִּטְמְאוּ בְמַעֲשֵׂיהֶם וַיִּזְנוּ בְּמַעַלְלֵיהֶֽםVayitmu vemaaseyhem vayiznu bemaalleyhem
40וַיִּחַר־אַף יְהֹוָה בְּעַמּוֹ וַיְתָעֵב אֶת־נַחֲלָתֽוֹVayijar-af Adonai beamo vaytaev et-najalato
41וַיִּתְּנֵם בְּיַד־גּוֹיִם וַֽיִּמְשְׁלוּ בָהֶם שֹׂנְאֵיהֶֽםVayitnem beyad-goyim vayimshlu vahem soneyhem
42וַיִּלְחָצוּם אוֹיְבֵיהֶם וַיִּכָּנְעוּ תַּחַת יָדָֽםVayiljatzum oyveyhem vayikanu tajat yadam
43פְּעָמִים רַבּוֹת יַצִּילֵם וְהֵמָּה יַמְרוּ בַעֲצָתָם וַיָּמֹכּוּ בַּעֲוֺנָֽםPeamim rabot yatzilem vehema yamru vaatzatam vayamoku baaonam
44וַיַּרְא בַּצַּר לָהֶם בְּשׇׁמְעוֹ אֶת־רִנָּתָֽםVayar batzar lahem beshomo et-rinatam
45וַיִּזְכֹּר לָהֶם בְּרִיתוֹ וַיִּנָּחֵם כְּרֹב חֲסָדָֽוVayizkor lahem berito vayinajem kerov jasadav
46וַיִּתֵּן אוֹתָם לְרַחֲמִים לִפְנֵי כׇּל־שׁוֹבֵיהֶֽםVayiten otam lerajamim lifney kol-shoveyhem
47הֽוֹשִׁיעֵנוּ יְהֹוָה אֱלֹהֵינוּ וְקַבְּצֵנוּ מִֽן־הַגּוֹיִם לְהֹדוֹת לְשֵׁם קׇדְשֶׁךָ לְהִשְׁתַּבֵּחַ בִּתְהִלָּתֶֽךָHoshienu Adonai eloheynu vekabtzenu min-hagoyim lehodot leshem kodsheja lehishtabeja bithilateja
48בָּרֽוּךְ־יְהֹוָה אֱלֹהֵי יִשְׂרָאֵל מִן־הָעוֹלָם וְעַד הָעוֹלָם וְאָמַר כׇּל־הָעָם אָמֵן הַֽלְלוּ־יָֽהּBaruj-Adonai elohey yisrael min-haolam vead haolam veamar kol-haam amen hallu-yah