Salmos para 30 del mes

1תְּהִלָּה לְדָוִד אֲרוֹמִמְךָ אֱלוֹהַי הַמֶּלֶךְ וַאֲבָרְכָה שִׁמְךָ לְעוֹלָם וָעֶֽדTehila ledavid aromimja elohay hamelej vaavarja shimja leolam vaed

2בְּכׇל־יוֹם אֲבָרְכֶךָּ וַאֲהַלְלָה שִׁמְךָ לְעוֹלָם וָעֶֽדBejol-yom avarjeja vaahalla shimja leolam vaed

3גָּדוֹל יְהֹוָה וּמְהֻלָּל מְאֹד וְלִגְדֻלָּתוֹ אֵין חֵֽקֶרGadol Adonai umhulal meod veligdulato eyn jeker

4דּוֹר לְדוֹר יְשַׁבַּח מַעֲשֶׂיךָ וּגְבוּרֹתֶיךָ יַגִּֽידוּDor ledor yeshabaj maaseyja ugvuroteyja yagidu

5הֲדַר כְּבוֹד הוֹדֶךָ וְדִבְרֵי נִפְלְאֹתֶיךָ אָשִֽׂיחָהHadar kevod hodeja vedivrey nifloteyja asija

6וֶעֱזוּז נֽוֹרְאֹתֶיךָ יֹאמֵרוּ (וגדלותיך) [וּגְדֻלָּתְךָ] אֲסַפְּרֶֽנָּהVeezuz noroteyja yomeru (vgdlvtyj) [ugdulatja] asaprena

7זֵכֶר רַב־טוּבְךָ יַבִּיעוּ וְצִדְקָתְךָ יְרַנֵּֽנוּZejer rav-tuvja yabiu vetzidkatja yeranenu

8חַנּוּן וְרַחוּם יְהֹוָה אֶרֶךְ אַפַּיִם וּגְדׇל־חָֽסֶדJanun verajum Adonai erej apayim ugdol-jased

9טוֹב־יְהֹוָה לַכֹּל וְרַחֲמָיו עַל־כׇּל־מַעֲשָֽׂיוTov-Adonai lakol verajamayv al-kol-maasayv

10יוֹדוּךָ יְהֹוָה כׇּל־מַעֲשֶׂיךָ וַחֲסִידֶיךָ יְבָרְכֽוּכָהYoduja Adonai kol-maaseyja vajasideyja yevarjuja

11כְּבוֹד מַלְכוּתְךָ יֹאמֵרוּ וּגְבוּרָתְךָ יְדַבֵּֽרוּKevod maljutja yomeru ugvuratja yedaberu

12לְהוֹדִיעַ לִבְנֵי הָאָדָם גְּבוּרֹתָיו וּכְבוֹד הֲדַר מַלְכוּתֽוֹLehodia livney haadam gevurotayv ujvod hadar maljuto

13מַֽלְכוּתְךָ מַלְכוּת כׇּל־עֹלָמִים וּמֶֽמְשַׁלְתְּךָ בְּכׇל־דּוֹר וָדֹֽרMaljutja maljut kol-olamim umemshaltja bejol-dor vador

14סוֹמֵךְ יְהֹוָה לְכׇל־הַנֹּפְלִים וְזוֹקֵף לְכׇל־הַכְּפוּפִֽיםSomej Adonai lejol-hanoflim vezokef lejol-hakfufim

15עֵֽינֵי־כֹל אֵלֶיךָ יְשַׂבֵּרוּ וְאַתָּה נֽוֹתֵן־לָהֶם אֶת־אׇכְלָם בְּעִתּֽוֹEyney-jol eleyja yesaberu veata noten-lahem et-ojlam beito

16פּוֹתֵחַ אֶת־יָדֶךָ וּמַשְׂבִּיעַ לְכׇל־חַי רָצֽוֹןPoteja et-yadeja umasbia lejol-jay ratzon

17צַדִּיק יְהֹוָה בְּכׇל־דְּרָכָיו וְחָסִיד בְּכׇל־מַעֲשָֽׂיוTzadik Adonai bejol-derajayv vejasid bejol-maasayv

18קָרוֹב יְהֹוָה לְכׇל־קֹרְאָיו לְכֹל אֲשֶׁר יִקְרָאֻהוּ בֶאֱמֶֽתKarov Adonai lejol-korayv lejol asher yikrauhu veemet

19רְצוֹן־יְרֵאָיו יַעֲשֶׂה וְֽאֶת־שַׁוְעָתָם יִשְׁמַע וְיוֹשִׁיעֵֽםRetzon-yereayv yaase veet-shavatam yishma veyoshiem

20שׁוֹמֵר יְהֹוָה אֶת־כׇּל־אֹהֲבָיו וְאֵת כׇּל־הָרְשָׁעִים יַשְׁמִֽידShomer Adonai et-kol-ohavayv veet kol-harshaim yashmid

21תְּהִלַּת יְהֹוָה יְֽדַבֶּר־פִּי וִיבָרֵךְ כׇּל־בָּשָׂר שֵׁם קׇדְשׁוֹ לְעוֹלָם וָעֶֽדTehilat Adonai yedaber-pi vivarej kol-basar shem kodsho leolam vaed

1הַֽלְלוּ־יָהּ הַֽלְלִי נַפְשִׁי אֶת־יְהֹוָֽהHallu-yah halli nafshi et-yehova

2אֲהַלְלָה יְהֹוָה בְּחַיָּי אֲזַמְּרָה לֵאלֹהַי בְּעוֹדִֽיAhalla Adonai bejayay azamra lelohay beodi

3אַל־תִּבְטְחוּ בִנְדִיבִים בְּבֶן־אָדָם שֶׁאֵין לוֹ תְשׁוּעָֽהAl-tivtju vindivim beven-adam sheeyn lo teshua

4תֵּצֵא רוּחוֹ יָשֻׁב לְאַדְמָתוֹ בַּיּוֹם הַהוּא אָבְדוּ עֶשְׁתֹּנֹתָֽיוTetze rujo yashuv leadmato bayom hahu avdu eshtonotayv

5אַשְׁרֵי שֶׁאֵל יַעֲקֹב בְּעֶזְרוֹ שִׂבְרוֹ עַל־יְהֹוָה אֱלֹהָֽיוAshrey sheel yaakov beezro sivro al-Adonai elohayv

6עֹשֶׂה שָׁמַיִם וָאָרֶץ אֶת־הַיָּם וְאֶת־כׇּל־אֲשֶׁר־בָּם הַשֹּׁמֵר אֱמֶת לְעוֹלָֽםOse shamayim vaaretz et-hayam veet-kol-asher-bam hashomer emet leolam

7עֹשֶׂה מִשְׁפָּט לָעֲשׁוּקִים נֹתֵן לֶחֶם לָרְעֵבִים יְהֹוָה מַתִּיר אֲסוּרִֽיםOse mishpat laashukim noten lejem larevim Adonai matir asurim

8יְהֹוָה פֹּקֵחַ עִוְרִים יְהֹוָה זֹקֵף כְּפוּפִים יְהֹוָה אֹהֵב צַדִּיקִֽיםAdonai pokeja ivrim Adonai zokef kefufim Adonai ohev tzadikim

9יְהֹוָה שֹׁמֵר אֶת־גֵּרִים יָתוֹם וְאַלְמָנָה יְעוֹדֵד וְדֶרֶךְ רְשָׁעִים יְעַוֵּֽתAdonai shomer et-gerim yatom vealmana yeoded vederej reshaim yeavet

10יִמְלֹךְ יְהֹוָה לְעוֹלָם אֱלֹהַיִךְ צִיּוֹן לְדֹר וָדֹר הַֽלְלוּ־יָֽהּYimloj Adonai leolam elohayij tzion ledor vador hallu-yah

1הַלְלוּ־יָהּ כִּי־טוֹב זַמְּרָה אֱלֹהֵינוּ כִּי־נָעִים נָאוָה תְהִלָּֽהHallu-yah ki-tov zamra eloheynu ki-naim nava tehila

2בּוֹנֵה יְרוּשָׁלַ͏ִם יְהֹוָה נִדְחֵי יִשְׂרָאֵל יְכַנֵּֽסBone yerushalam Adonai nidjey yisrael yejanes

3הָרֹפֵא לִשְׁבוּרֵי לֵב וּמְחַבֵּשׁ לְעַצְּבוֹתָֽםHarofe lishvurey lev umjabesh leatzvotam

4מוֹנֶה מִסְפָּר לַכּוֹכָבִים לְכֻלָּם שֵׁמוֹת יִקְרָֽאMone mispar lakojavim lejulam shemot yikra

5גָּדוֹל אֲדוֹנֵינוּ וְרַב־כֹּחַ לִתְבוּנָתוֹ אֵין מִסְפָּֽרGadol adoneynu verav-koja litvunato eyn mispar

6מְעוֹדֵד עֲנָוִים יְהֹוָה מַשְׁפִּיל רְשָׁעִים עֲדֵי־אָֽרֶץMeoded anavim Adonai mashpil reshaim adey-aretz

7עֱנוּ לַֽיהֹוָה בְּתוֹדָה זַמְּרוּ לֵאלֹהֵינוּ בְכִנּֽוֹרEnu layhova betoda zamru leloheynu vejinor

8הַֽמְכַסֶּה שָׁמַיִם בְּעָבִים הַמֵּכִין לָאָרֶץ מָטָר הַמַּצְמִיחַ הָרִים חָצִֽירHamjase shamayim beavim hamejin laaretz matar hamatzmija harim jatzir

9נוֹתֵן לִבְהֵמָה לַחְמָהּ לִבְנֵי עֹרֵב אֲשֶׁר יִקְרָֽאוּNoten livhema lajmah livney orev asher yikrau

10לֹא בִגְבוּרַת הַסּוּס יֶחְפָּץ לֹא־בְשׁוֹקֵי הָאִישׁ יִרְצֶֽהLo vigvurat hasus yejpatz lo-veshokey haish yirtze

11רוֹצֶה יְהֹוָה אֶת־יְרֵאָיו אֶת־הַֽמְיַחֲלִים לְחַסְדּֽוֹRotze Adonai et-yereayv et-hamyajalim lejasdo

12שַׁבְּחִי יְרוּשָׁלַ͏ִם אֶת־יְהֹוָה הַֽלְלִי אֱלֹהַיִךְ צִיּֽוֹןShabji yerushalam et-Adonai halli elohayij tzion

13כִּֽי־חִזַּק בְּרִיחֵי שְׁעָרָיִךְ בֵּרַךְ בָּנַיִךְ בְּקִרְבֵּֽךְKi-jizak berijey shearayij beraj banayij bekirbej

14הַשָּׂם־גְּבוּלֵךְ שָׁלוֹם חֵלֶב חִטִּים יַשְׂבִּיעֵֽךְHasam-gevulej shalom jelev jitim yasbiej

15הַשֹּׁלֵחַ אִמְרָתוֹ אָרֶץ עַד־מְהֵרָה יָרוּץ דְּבָרֽוֹHasholeja imrato aretz ad-mehera yarutz devaro

16הַנֹּתֵן שֶׁלֶג כַּצָּמֶר כְּפוֹר כָּאֵפֶר יְפַזֵּֽרHanoten sheleg katzamer kefor kaefer yefazer

17מַשְׁלִיךְ קַֽרְחוֹ כְפִתִּים לִפְנֵי קָרָתוֹ מִי יַעֲמֹֽדMashlij karjo jefitim lifney karato mi yaamod

18יִשְׁלַח דְּבָרוֹ וְיַמְסֵם יַשֵּׁב רוּחוֹ יִזְּלוּ־מָֽיִםYishlaj devaro veyamsem yashev rujo yizlu-mayim

19מַגִּיד דְּבָרָו לְיַעֲקֹב חֻקָּיו וּמִשְׁפָּטָיו לְיִשְׂרָאֵֽלMagid devarav leyaakov jukayv umishpatayv leyisrael

20לֹא־עָשָׂה כֵן לְכׇל־גּוֹי וּמִשְׁפָּטִים בַּל־יְדָעוּם הַֽלְלוּ־יָֽהּLo-asa jen lejol-goy umishpatim bal-yedaum hallu-yah

1הַלְלוּ־יָהּ הַֽלְלוּ אֶת־יְהֹוָה מִן־הַשָּׁמַיִם הַֽלְלוּהוּ בַּמְּרוֹמִֽיםHallu-yah hallu et-Adonai min-hashamayim halluhu bamromim

2הַֽלְלוּהוּ כׇל־מַלְאָכָיו הַלְלוּהוּ כׇּל־צְבָאָֽוHalluhu jol-malajayv halluhu kol-tzevaav

3הַֽלְלוּהוּ שֶׁמֶשׁ וְיָרֵחַ הַֽלְלוּהוּ כׇּל־כּוֹכְבֵי אֽוֹרHalluhu shemesh veyareja halluhu kol-kojvey or

4הַֽלְלוּהוּ שְׁמֵי הַשָּׁמָיִם וְהַמַּיִם אֲשֶׁר מֵעַל הַשָּׁמָֽיִםHalluhu shemey hashamayim vehamayim asher meal hashamayim

5יְֽהַלְלוּ אֶת־שֵׁם יְהֹוָה כִּי הוּא צִוָּה וְנִבְרָֽאוּYehallu et-shem Adonai ki hu tziva venivrau

6וַיַּעֲמִידֵם לָעַד לְעוֹלָם חׇק־נָתַן וְלֹא יַעֲבֽוֹרVayaamidem laad leolam jok-natan velo yaavor

7הַֽלְלוּ אֶת־יְהֹוָה מִן־הָאָרֶץ תַּנִּינִים וְכׇל־תְּהֹמֽוֹתHallu et-Adonai min-haaretz taninim vejol-tehomot

8אֵשׁ וּבָרָד שֶׁלֶג וְקִיטוֹר רוּחַ סְעָרָה עֹשָׂה דְבָרֽוֹEsh uvarad sheleg vekitor ruja seara osa devaro

9הֶהָרִים וְכׇל־גְּבָעוֹת עֵץ פְּרִי וְכׇל־אֲרָזִֽיםHeharim vejol-gevaot etz peri vejol-arazim

10הַחַיָּה וְכׇל־בְּהֵמָה רֶמֶשׂ וְצִפּוֹר כָּנָֽףHajaya vejol-behema remes vetzipor kanaf

11מַלְכֵי־אֶרֶץ וְכׇל־לְאֻמִּים שָׂרִים וְכׇל־שֹׁפְטֵי אָֽרֶץMaljey-eretz vejol-leumim sarim vejol-shoftey aretz

12בַּחוּרִים וְגַם־בְּתוּלוֹת זְקֵנִים עִם־נְעָרִֽיםBajurim vegam-betulot zekenim im-nearim

13יְהַלְלוּ אֶת־שֵׁם יְהֹוָה כִּֽי־נִשְׂגָּב שְׁמוֹ לְבַדּוֹ הוֹדוֹ עַל־אֶרֶץ וְשָׁמָֽיִםYehallu et-shem Adonai ki-nisgav shemo levado hodo al-eretz veshamayim

14וַיָּרֶם קֶרֶן לְעַמּוֹ תְּהִלָּה לְֽכׇל־חֲסִידָיו לִבְנֵי יִשְׂרָאֵל עַם קְרֹבוֹ הַֽלְלוּ־יָֽהּVayarem keren leamo tehila lejol-jasidayv livney yisrael am kerovo hallu-yah

1הַלְלוּ־יָהּ שִׁירוּ לַֽיהֹוָה שִׁיר חָדָשׁ תְּהִלָּתוֹ בִּקְהַל חֲסִידִֽיםHallu-yah shiru layhova shir jadash tehilato bikhal jasidim

2יִשְׂמַח יִשְׂרָאֵל בְּעֹשָׂיו בְּנֵֽי־צִיּוֹן יָגִילוּ בְמַלְכָּֽםYismaj yisrael beosayv beney-tzion yagilu vemalkam

3יְהַלְלוּ שְׁמוֹ בְמָחוֹל בְּתֹף וְכִנּוֹר יְזַמְּרוּ־לֽוֹYehallu shemo vemajol betof vejinor yezamru-lo

4כִּֽי־רוֹצֶה יְהֹוָה בְּעַמּוֹ יְפָאֵר עֲנָוִים בִּישׁוּעָֽהKi-rotze Adonai beamo yefaer anavim bishua

5יַעְלְזוּ חֲסִידִים בְּכָבוֹד יְרַנְּנוּ עַל־מִשְׁכְּבוֹתָֽםYalzu jasidim bejavod yerannu al-mishkvotam

6רוֹמְמוֹת אֵל בִּגְרוֹנָם וְחֶרֶב פִּיפִיּוֹת בְּיָדָֽםRommot el bigronam vejerev pifiot beyadam

7לַעֲשׂוֹת נְקָמָה בַּגּוֹיִם תּוֹכֵחוֹת בַּלְאֻמִּֽיםLaasot nekama bagoyim tojejot balumim

8לֶאְסֹר מַלְכֵיהֶם בְּזִקִּים וְנִכְבְּדֵיהֶם בְּכַבְלֵי בַרְזֶֽלLesor maljeyhem bezikim venijbdeyhem bejavley varzel

9לַעֲשׂוֹת בָּהֶם מִשְׁפָּט כָּתוּב הָדָר הוּא לְכׇל־חֲסִידָיו הַֽלְלוּ־יָֽהּLaasot bahem mishpat katuv hadar hu lejol-jasidayv hallu-yah

1הַלְלוּ־יָהּ הַֽלְלוּ־אֵל בְּקׇדְשׁוֹ הַֽלְלוּהוּ בִּרְקִיעַ עֻזּֽוֹHallu-yah hallu-el bekodsho halluhu birkia uzo

2הַלְלוּהוּ בִגְבוּרֹתָיו הַלְלוּהוּ כְּרֹב גֻּדְלֽוֹHalluhu vigvurotayv halluhu kerov gudlo

3הַלְלוּהוּ בְּתֵקַע שׁוֹפָר הַלְלוּהוּ בְּנֵבֶל וְכִנּֽוֹרHalluhu beteka shofar halluhu benevel vejinor

4הַלְלוּהוּ בְּתֹף וּמָחוֹל הַֽלְלוּהוּ בְּמִנִּים וְעֻגָֽבHalluhu betof umajol halluhu beminim veugav

5הַלְלוּהוּ בְצִלְצְלֵי־שָׁמַע הַֽלְלוּהוּ בְּֽצִלְצְלֵי תְרוּעָֽהHalluhu vetziltzley-shama halluhu betziltzley terua

6כֹּל הַנְּשָׁמָה תְּהַלֵּל יָהּ הַֽלְלוּ־יָֽהּKol hanshama tehalel yah hallu-yah