Salmos para 28 del mes

1הַלְלוּ־יָהּ הַֽלְלוּ אֶת־שֵׁם יְהֹוָה הַֽלְלוּ עַבְדֵי יְהֹוָֽהHallu-yah hallu et-shem Adonai hallu avdey yehova

2שֶׁעֹמְדִים בְּבֵית יְהֹוָה בְּחַצְרוֹת בֵּית אֱלֹהֵֽינוּSheomdim beveyt Adonai bejatzrot beyt eloheynu

3הַֽלְלוּ־יָהּ כִּֽי־טוֹב יְהֹוָה זַמְּרוּ לִשְׁמוֹ כִּי נָעִֽיםHallu-yah ki-tov Adonai zamru lishmo ki naim

4כִּֽי־יַעֲקֹב בָּחַר לוֹ יָהּ יִשְׂרָאֵל לִסְגֻלָּתֽוֹKi-yaakov bajar lo yah yisrael lisgulato

5כִּי אֲנִי יָדַעְתִּי כִּֽי־גָדוֹל יְהֹוָה וַאֲדֹנֵינוּ מִכׇּל־אֱלֹהִֽיםKi ani yadati ki-gadol Adonai vaadoneynu mikol-elohim

6כֹּל אֲשֶׁר־חָפֵץ יְהֹוָה עָשָׂה בַּשָּׁמַיִם וּבָאָרֶץ בַּיַּמִּים וְכׇל־תְּהֹמֽוֹתKol asher-jafetz Adonai asa bashamayim uvaaretz bayamim vejol-tehomot

7מַעֲלֶה נְשִׂאִים מִקְצֵה הָאָרֶץ בְּרָקִים לַמָּטָר עָשָׂה מֽוֹצֵא־רוּחַ מֵאֽוֹצְרוֹתָֽיוMaale nesiim miktze haaretz berakim lamatar asa motze-ruja meotzrotayv

8שֶׁהִכָּה בְּכוֹרֵי מִצְרָיִם מֵאָדָם עַד־בְּהֵמָֽהShehika bejorey mitzrayim meadam ad-behema

9שָׁלַח אוֹתֹת וּמֹפְתִים בְּתוֹכֵכִי מִצְרָיִם בְּפַרְעֹה וּבְכׇל־עֲבָדָֽיוShalaj otot umoftim betojeji mitzrayim befaro uvjol-avadayv

10שֶׁהִכָּה גּוֹיִם רַבִּים וְהָרַג מְלָכִים עֲצוּמִֽיםShehika goyim rabim veharag melajim atzumim

11לְסִיחוֹן מֶלֶךְ הָאֱמֹרִי וּלְעוֹג מֶלֶךְ הַבָּשָׁן וּלְכֹל מַמְלְכוֹת כְּנָֽעַןLesijon melej haemori ulog melej habashan uljol mamljot kenaan

12וְנָתַן אַרְצָם נַחֲלָה נַחֲלָה לְיִשְׂרָאֵל עַמּֽוֹVenatan artzam najala najala leyisrael amo

13יְהֹוָה שִׁמְךָ לְעוֹלָם יְהֹוָה זִכְרְךָ לְדֹר־וָדֹֽרAdonai shimja leolam Adonai zijrja ledor-vador

14כִּֽי־יָדִין יְהֹוָה עַמּוֹ וְעַל־עֲבָדָיו יִתְנֶחָֽםKi-yadin Adonai amo veal-avadayv yitnejam

15עֲצַבֵּי הַגּוֹיִם כֶּסֶף וְזָהָב מַעֲשֵׂה יְדֵי אָדָֽםAtzabey hagoyim kesef vezahav maase yedey adam

16פֶּֽה־לָהֶם וְלֹא יְדַבֵּרוּ עֵינַיִם לָהֶם וְלֹא יִרְאֽוּPe-lahem velo yedaberu eynayim lahem velo yiru

17אׇזְנַיִם לָהֶם וְלֹא יַאֲזִינוּ אַף אֵין־יֶשׁ־רוּחַ בְּפִיהֶֽםOznayim lahem velo yaazinu af eyn-yesh-ruja befihem

18כְּמוֹהֶם יִהְיוּ עֹשֵׂיהֶם כֹּל אֲשֶׁר־בֹּטֵחַ בָּהֶֽםKemohem yihyu oseyhem kol asher-boteja bahem

19בֵּית יִשְׂרָאֵל בָּרְכוּ אֶת־יְהֹוָה בֵּית אַהֲרֹן בָּרְכוּ אֶת־יְהֹוָֽהBeyt yisrael barju et-Adonai beyt aharon barju et-yehova

20בֵּית הַלֵּוִי בָּרְכוּ אֶת־יְהֹוָה יִֽרְאֵי יְהֹוָה בָּרְכוּ אֶת־יְהֹוָֽהBeyt halevi barju et-Adonai yirey Adonai barju et-yehova

21בָּרוּךְ יְהֹוָה מִצִּיּוֹן שֹׁכֵן יְֽרוּשָׁלָ͏ִם הַֽלְלוּ־יָֽהּBaruj Adonai mitzion shojen yerushalam hallu-yah

1הוֹדוּ לַיהֹוָה כִּי־טוֹב כִּי לְעוֹלָם חַסְדּֽוֹHodu layhova ki-tov ki leolam jasdo

2הוֹדוּ לֵאלֹהֵי הָאֱלֹהִים כִּי לְעוֹלָם חַסְדּֽוֹHodu lelohey haelohim ki leolam jasdo

3הוֹדוּ לַאֲדֹנֵי הָאֲדֹנִים כִּי לְעוֹלָם חַסְדּֽוֹHodu laadoney haadonim ki leolam jasdo

4לְעֹשֵׂה נִפְלָאוֹת גְּדֹלוֹת לְבַדּוֹ כִּי לְעוֹלָם חַסְדּֽוֹLeose niflaot gedolot levado ki leolam jasdo

5לְעֹשֵׂה הַשָּׁמַיִם בִּתְבוּנָה כִּי לְעוֹלָם חַסְדּֽוֹLeose hashamayim bitvuna ki leolam jasdo

6לְרֹקַע הָאָרֶץ עַל־הַמָּיִם כִּי לְעוֹלָם חַסְדּֽוֹLeroka haaretz al-hamayim ki leolam jasdo

7לְעֹשֵׂה אוֹרִים גְּדֹלִים כִּי לְעוֹלָם חַסְדּֽוֹLeose orim gedolim ki leolam jasdo

8אֶת־הַשֶּׁמֶשׁ לְמֶמְשֶׁלֶת בַּיּוֹם כִּי לְעוֹלָם חַסְדּֽוֹEt-hashemesh lememshelet bayom ki leolam jasdo

9אֶת־הַיָּרֵחַ וְכוֹכָבִים לְמֶמְשְׁלוֹת בַּלָּיְלָה כִּי לְעוֹלָם חַסְדּֽוֹEt-hayareja vejojavim lememshlot balayla ki leolam jasdo

10לְמַכֵּה מִצְרַיִם בִּבְכוֹרֵיהֶם כִּי לְעוֹלָם חַסְדּֽוֹLemake mitzrayim bivjoreyhem ki leolam jasdo

11וַיּוֹצֵא יִשְׂרָאֵל מִתּוֹכָם כִּי לְעוֹלָם חַסְדּֽוֹVayotze yisrael mitojam ki leolam jasdo

12בְּיָד חֲזָקָה וּבִזְרוֹעַ נְטוּיָה כִּי לְעוֹלָם חַסְדּֽוֹBeyad jazaka uvizroa netuya ki leolam jasdo

13לְגֹזֵר יַם־סוּף לִגְזָרִים כִּי לְעוֹלָם חַסְדּֽוֹLegozer yam-suf ligzarim ki leolam jasdo

14וְהֶעֱבִיר יִשְׂרָאֵל בְּתוֹכוֹ כִּי לְעוֹלָם חַסְדּֽוֹVeheevir yisrael betojo ki leolam jasdo

15וְנִעֵר פַּרְעֹה וְחֵילוֹ בְיַם־סוּף כִּי לְעוֹלָם חַסְדּֽוֹVenier paro vejeylo veyam-suf ki leolam jasdo

16לְמוֹלִיךְ עַמּוֹ בַּמִּדְבָּר כִּי לְעוֹלָם חַסְדּֽוֹLemolij amo bamidbar ki leolam jasdo

17לְמַכֵּה מְלָכִים גְּדֹלִים כִּי לְעוֹלָם חַסְדּֽוֹLemake melajim gedolim ki leolam jasdo

18וַֽיַּהֲרֹג מְלָכִים אַדִּירִים כִּי לְעוֹלָם חַסְדּֽוֹVayaharog melajim adirim ki leolam jasdo

19לְסִיחוֹן מֶלֶךְ הָאֱמֹרִי כִּי לְעוֹלָם חַסְדּֽוֹLesijon melej haemori ki leolam jasdo

20וּלְעוֹג מֶלֶךְ הַבָּשָׁן כִּי לְעוֹלָם חַסְדּֽוֹUlog melej habashan ki leolam jasdo

21וְנָתַן אַרְצָם לְנַחֲלָה כִּי לְעוֹלָם חַסְדּֽוֹVenatan artzam lenajala ki leolam jasdo

22נַחֲלָה לְיִשְׂרָאֵל עַבְדּוֹ כִּי לְעוֹלָם חַסְדּֽוֹNajala leyisrael avdo ki leolam jasdo

23שֶׁבְּשִׁפְלֵנוּ זָכַר לָנוּ כִּי לְעוֹלָם חַסְדּֽוֹShebshiflenu zajar lanu ki leolam jasdo

24וַיִּפְרְקֵנוּ מִצָּרֵינוּ כִּי לְעוֹלָם חַסְדּֽוֹVayifrkenu mitzareynu ki leolam jasdo

25נֹתֵן לֶחֶם לְכׇל־בָּשָׂר כִּי לְעוֹלָם חַסְדּֽוֹNoten lejem lejol-basar ki leolam jasdo

26הוֹדוּ לְאֵל הַשָּׁמָיִם כִּי לְעוֹלָם חַסְדּֽוֹHodu leel hashamayim ki leolam jasdo

1עַל־נַהֲרוֹת בָּבֶל שָׁם יָשַׁבְנוּ גַּם־בָּכִינוּ בְּזׇכְרֵנוּ אֶת־צִיּֽוֹןAl-naharot bavel sham yashavnu gam-bajinu bezojrenu et-tzion

2עַֽל־עֲרָבִים בְּתוֹכָהּ תָּלִינוּ כִּנֹּרוֹתֵֽינוּAl-aravim betojah talinu kinoroteynu

3כִּי שָׁם שְֽׁאֵלוּנוּ שׁוֹבֵינוּ דִּבְרֵי־שִׁיר וְתוֹלָלֵינוּ שִׂמְחָה שִׁירוּ לָנוּ מִשִּׁיר צִיּֽוֹןKi sham sheelunu shoveynu divrey-shir vetolaleynu simja shiru lanu mishir tzion

4אֵיךְ נָשִׁיר אֶת־שִׁיר־יְהֹוָה עַל אַדְמַת נֵכָֽרEyj nashir et-shir-Adonai al admat nejar

5אִֽם־אֶשְׁכָּחֵךְ יְֽרוּשָׁלָ͏ִם תִּשְׁכַּח יְמִינִֽיIm-eshkajej yerushalam tishkaj yemini

6תִּדְבַּֽק־לְשׁוֹנִי לְחִכִּי אִם־לֹא אֶזְכְּרֵכִי אִם־לֹא אַעֲלֶה אֶת־יְרוּשָׁלַ͏ִם עַל רֹאשׁ שִׂמְחָתִֽיTidbak-leshoni lejiki im-lo ezkreji im-lo aale et-yerushalam al rosh simjati

7זְכֹר יְהֹוָה לִבְנֵי אֱדוֹם אֵת יוֹם יְֽרוּשָׁלָ͏ִם הָאֹמְרִים עָרוּ עָרוּ עַד הַיְסוֹד בָּֽהּZejor Adonai livney edom et yom yerushalam haomrim aru aru ad haysod bah

8בַּת־בָּבֶל הַשְּׁדוּדָה אַשְׁרֵי שֶׁיְשַׁלֶּם־לָךְ אֶת־גְּמוּלֵךְ שֶׁגָּמַלְתְּ לָֽנוּBat-bavel hashduda ashrey sheyshalem-laj et-gemulej shegamalt lanu

9אַשְׁרֵי שֶׁיֹּאחֵז וְנִפֵּץ אֶֽת־עֹלָלַיִךְ אֶל־הַסָּֽלַעAshrey sheyojez venipetz et-olalayij el-hasala

1לְדָוִד אוֹדְךָ בְכׇל־לִבִּי נֶגֶד אֱלֹהִים אֲזַמְּרֶֽךָּLedavid odja vejol-libi neged elohim azamreja

2אֶשְׁתַּחֲוֶה אֶל־הֵיכַל קׇדְשְׁךָ וְאוֹדֶה אֶת־שְׁמֶךָ עַל־חַסְדְּךָ וְעַל־אֲמִתֶּךָ כִּֽי־הִגְדַּלְתָּ עַל־כׇּל־שִׁמְךָ אִמְרָתֶֽךָEshtajave el-heyjal kodshja veode et-shemeja al-jasdja veal-amiteja ki-higdalta al-kol-shimja imrateja

3בְּיוֹם קָרָֽאתִי וַֽתַּעֲנֵנִי תַּרְהִבֵנִי בְנַפְשִׁי עֹֽזBeyom karati vataaneni tarhiveni venafshi oz

4יוֹדוּךָ יְהֹוָה כׇּל־מַלְכֵי־אָרֶץ כִּי שָׁמְעוּ אִמְרֵי־פִֽיךָYoduja Adonai kol-maljey-aretz ki shamu imrey-fija

5וְיָשִׁירוּ בְּדַרְכֵי יְהֹוָה כִּֽי־גָדוֹל כְּבוֹד יְהֹוָֽהVeyashiru bedarjey Adonai ki-gadol kevod yehova

6כִּי־רָם יְהֹוָה וְשָׁפָל יִרְאֶה וְגָבֹהַּ מִמֶּרְחָק יְיֵדָֽעKi-ram Adonai veshafal yire vegavoha mimerjak yeyeda

7אִם־אֵלֵךְ בְּקֶרֶב צָרָה תְּחַיֵּנִי עַל אַף אֹיְבַי תִּשְׁלַח יָדֶךָ וְתוֹשִׁיעֵנִי יְמִינֶֽךָIm-elej bekerev tzara tejayeni al af oyvay tishlaj yadeja vetoshieni yemineja

8יְהֹוָה יִגְמֹר בַּעֲדִי יְהֹוָה חַסְדְּךָ לְעוֹלָם מַעֲשֵׂי יָדֶיךָ אַל־תֶּֽרֶףAdonai yigmor baadi Adonai jasdja leolam maasey yadeyja al-teref

1לַמְנַצֵּחַ לְדָוִד מִזְמוֹר יְהֹוָה חֲקַרְתַּנִי וַתֵּדָֽעLamnatzeja ledavid mizmor Adonai jakartani vateda

2אַתָּה יָדַעְתָּ שִׁבְתִּי וְקוּמִי בַּנְתָּה לְרֵעִי מֵרָחֽוֹקAta yadata shivti vekumi banta lerei merajok

3אׇרְחִי וְרִבְעִי זֵרִיתָ וְֽכׇל־דְּרָכַי הִסְכַּֽנְתָּהOrji verivi zerita vejol-derajay hiskanta

4כִּי אֵין מִלָּה בִּלְשׁוֹנִי הֵן יְהֹוָה יָדַעְתָּ כֻלָּֽהּKi eyn mila bilshoni hen Adonai yadata julah

5אָחוֹר וָקֶדֶם צַרְתָּנִי וַתָּשֶׁת עָלַי כַּפֶּֽכָהAjor vakedem tzartani vatashet alay kapeja

6(פלאיה) [פְּלִיאָֽה] דַעַת מִמֶּנִּי נִשְׂגְּבָה לֹא־אוּכַֽל לָֽהּ(fly) [pelia] daat mimeni nisgva lo-ujal lah

7אָנָֽה אֵלֵךְ מֵרוּחֶךָ וְאָנָה מִפָּנֶיךָ אֶבְרָֽחAna elej merujeja veana mipaneyja evraj

8אִם־אֶסַּק שָׁמַיִם שָׁם אָתָּה וְאַצִּיעָה שְּׁאוֹל הִנֶּֽךָּIm-esak shamayim sham ata veatzia sheol hineja

9אֶשָּׂא כַנְפֵי־שָׁחַר אֶשְׁכְּנָה בְּאַחֲרִית יָֽםEsa janfey-shajar eshkna beajarit yam

10גַּם־שָׁם יָדְךָ תַנְחֵנִי וְֽתֹאחֲזֵנִי יְמִינֶֽךָGam-sham yadja tanjeni vetojazeni yemineja

11וָאֹמַר אַךְ־חֹשֶׁךְ יְשׁוּפֵנִי וְלַיְלָה אוֹר בַּעֲדֵֽנִיVaomar aj-joshej yeshufeni velayla or baadeni

12גַּם־חֹשֶׁךְ לֹא־יַחְשִׁיךְ מִמֶּךָּ וְלַיְלָה כַּיּוֹם יָאִיר כַּחֲשֵׁיכָה כָּאוֹרָֽהGam-joshej lo-yajshij mimeja velayla kayom yair kajasheyja kaora

13כִּֽי־אַתָּה קָנִיתָ כִלְיֹתָי תְּסֻכֵּנִי בְּבֶטֶן אִמִּֽיKi-ata kanita jilyotay tesukeni beveten imi

14אוֹדְךָ עַל כִּי נוֹרָאוֹת נִפְלֵיתִי נִפְלָאִים מַעֲשֶׂיךָ וְנַפְשִׁי יֹדַעַת מְאֹֽדOdja al ki noraot nifleyti niflaim maaseyja venafshi yodaat meod

15לֹֽא־נִכְחַד עׇצְמִי מִמֶּךָּ אֲשֶׁר־עֻשֵּׂיתִי בַסֵּתֶר רֻקַּמְתִּי בְּֽתַחְתִּיּוֹת אָֽרֶץLo-nijjad otzmi mimeja asher-useyti vaseter rukamti betajtiot aretz

16גׇּלְמִי רָאוּ עֵינֶיךָ וְעַֽל־סִפְרְךָ כֻּלָּם יִכָּתֵבוּ יָמִים יֻצָּרוּ (ולא) [וְלוֹ] אֶחָד בָּהֶֽםGolmi rau eyneyja veal-sifrja kulam yikatevu yamim yutzaru (vl) [velo] ejad bahem

17וְלִי מַה־יָּקְרוּ רֵעֶיךָ אֵל מֶה עָצְמוּ רָאשֵׁיהֶֽםVeli ma-yakru reeyja el me atzmu rasheyhem

18אֶסְפְּרֵם מֵחוֹל יִרְבּוּן הֱקִיצֹתִי וְעוֹדִי עִמָּֽךְEsprem mejol yirbun hekitzoti veodi imaj

19אִם־תִּקְטֹל אֱלוֹהַּ רָשָׁע וְאַנְשֵׁי דָמִים סוּרוּ מֶֽנִּיIm-tiktol eloha rasha veanshey damim suru meni

20אֲשֶׁר יֹמְרוּךָ לִמְזִמָּה נָשׂוּא לַשָּׁוְא עָרֶֽיךָAsher yomruja limzima nasu lashav areyja

21הֲלֽוֹא־מְשַׂנְאֶיךָ יְהֹוָה אֶשְׂנָא וּבִתְקוֹמְמֶיךָ אֶתְקוֹטָֽטHalo-mesaneyja Adonai esna uvitkommeyja etkotat

22תַּכְלִית שִׂנְאָה שְׂנֵאתִים לְאוֹיְבִים הָיוּ לִֽיTajlit sina senetim leoyvim hayu li

23חׇקְרֵנִי אֵל וְדַע לְבָבִי בְּחָנֵנִי וְדַע שַׂרְעַפָּֽיJokreni el veda levavi bejaneni veda sarapay

24וּרְאֵה אִם־דֶּֽרֶךְ־עֹצֶב בִּי וּנְחֵנִי בְּדֶרֶךְ עוֹלָֽםUre im-derej-otzev bi unjeni bederej olam