Capítulo 84
1לַמְנַצֵּחַ עַֽל־הַגִּתִּית לִבְנֵי־קֹרַח מִזְמֽוֹרLamnatzeja al-hagitit livney-koraj mizmor
2מַה־יְּדִידוֹת מִשְׁכְּנוֹתֶיךָ יְהֹוָה צְבָאֽוֹתMa-yedidot mishknoteyja Adonai tzevaot
3נִכְסְפָה וְגַם־כָּלְתָה נַפְשִׁי לְחַצְרוֹת יְהֹוָה לִבִּי וּבְשָׂרִי יְרַנְּנוּ אֶל אֵֽל־חָֽיNijsfa vegam-kalta nafshi lejatzrot Adonai libi uvsari yerannu el el-jay
4גַּם־צִפּוֹר מָצְאָה בַיִת וּדְרוֹר קֵן לָהּ אֲשֶׁר־שָׁתָה אֶפְרֹחֶיהָ אֶֽת־מִזְבְּחוֹתֶיךָ יְהֹוָה צְבָאוֹת מַלְכִּי וֵאלֹהָֽיGam-tzipor matza vayit udror ken lah asher-shata efrojey et-mizbjoteyja Adonai tzevaot malki velohay
5אַשְׁרֵי יוֹשְׁבֵי בֵיתֶךָ עוֹד יְֽהַלְלוּךָ סֶּֽלָהAshrey yoshvey veyteja od yehalluja sela
6אַשְׁרֵי אָדָם עֽוֹז־לוֹ בָךְ מְסִלּוֹת בִּלְבָבָֽםAshrey adam oz-lo vaj mesilot bilvavam
7עֹבְרֵי בְּעֵמֶק הַבָּכָא מַעְיָן יְשִׁיתוּהוּ גַּם־בְּרָכוֹת יַעְטֶה מוֹרֶֽהOvrey beemek habaja mayan yeshituhu gam-berajot yate more
8יֵלְכוּ מֵחַיִל אֶל־חָיִל יֵרָאֶה אֶל־אֱלֹהִים בְּצִיּֽוֹןYelju mejayil el-jayil yerae el-elohim betzion
9יְהֹוָה אֱלֹהִים צְבָאוֹת שִׁמְעָה תְפִלָּתִי הַאֲזִינָה אֱלֹהֵי יַעֲקֹב סֶֽלָהAdonai elohim tzevaot shima tefilati haazina elohey yaakov sela
10מָגִנֵּנוּ רְאֵה אֱלֹהִים וְהַבֵּט פְּנֵי מְשִׁיחֶֽךָMaginenu ree elohim vehabet peney meshijeja
11כִּי טֽוֹב־יוֹם בַּחֲצֵרֶיךָ מֵאָלֶף בָּחַרְתִּי הִסְתּוֹפֵף בְּבֵית אֱלֹהַי מִדּוּר בְּאׇהֳלֵי־רֶֽשַׁעKi tov-yom bajatzereyja mealef bajarti histofef beveyt elohay midur beoholey-resha
12כִּי שֶׁמֶשׁ וּמָגֵן יְהֹוָה אֱלֹהִים חֵן וְכָבוֹד יִתֵּן יְהֹוָה לֹא יִמְנַע־טוֹב לַֽהֹלְכִים בְּתָמִֽיםKi shemesh umagen Adonai elohim jen vejavod yiten Adonai lo yimna-tov laholjim betamim
13יְהֹוָה צְבָאוֹת אַֽשְׁרֵי אָדָם בֹּטֵחַ בָּֽךְAdonai tzevaot ashrey adam boteja baj