Capítulo 73
1מִזְמוֹר לְאָסָף אַךְ טוֹב לְיִשְׂרָאֵל אֱלֹהִים לְבָרֵי לֵבָֽבMizmor leasaf aj tov leyisrael elohim levarey levav
2וַאֲנִי כִּמְעַט (נטוי) [נָטָיוּ] רַגְלָי כְּאַיִן (שפכה) [שֻׁפְּכוּ] אֲשֻׁרָֽיVaani kimat (ntvy) [natayu] raglay keayin (shfj) [shupju] ashuray
3כִּֽי־קִנֵּאתִי בַּהוֹלְלִים שְׁלוֹם רְשָׁעִים אֶרְאֶֽהKi-kineti bahollim shelom reshaim ere
4כִּי אֵין חַרְצֻבּוֹת לְמוֹתָם וּבָרִיא אוּלָֽםKi eyn jartzubot lemotam uvari ulam
5בַּעֲמַל אֱנוֹשׁ אֵינֵמוֹ וְעִם־אָדָם לֹא יְנֻגָּֽעוּBaamal enosh eynemo veim-adam lo yenugau
6לָכֵן עֲנָקַתְמוֹ גַאֲוָה יַעֲטָף־שִׁית חָמָס לָֽמוֹLajen anakatmo gaava yaataf-shit jamas lamo
7יָצָא מֵחֵלֶב עֵינֵמוֹ עָבְרוּ מַשְׂכִּיּוֹת לֵבָֽבYatza mejelev eynemo avru maskiot levav
8יָמִיקוּ וִידַבְּרוּ בְרָע עֹשֶׁק מִמָּרוֹם יְדַבֵּֽרוּYamiku vidabru vera oshek mimarom yedaberu
9שַׁתּוּ בַשָּׁמַיִם פִּיהֶם וּלְשׁוֹנָם תִּהֲלַךְ בָּאָֽרֶץShatu vashamayim pihem ulshonam tihalaj baaretz
10לָכֵן (ישיב) [יָשׁוּב] עַמּוֹ הֲלֹם וּמֵי מָלֵא יִמָּצוּ לָֽמוֹLajen (yshyv) [yashuv] amo halom umey male yimatzu lamo
11וְֽאָמְרוּ אֵיכָה יָדַֽע־אֵל וְיֵשׁ דֵּעָה בְעֶלְיֽוֹןVeamru eyja yada-el veyesh dea veelyon
12הִנֵּה־אֵלֶּה רְשָׁעִים וְשַׁלְוֵי עוֹלָם הִשְׂגּוּ־חָֽיִלHine-ele reshaim veshalvey olam hisgu-jayil
13אַךְ־רִיק זִכִּיתִי לְבָבִי וָאֶרְחַץ בְּנִקָּיוֹן כַּפָּֽיAj-rik zikiti levavi vaerjatz benikayon kapay
14וָאֱהִי נָגוּעַ כׇּל־הַיּוֹם וְתוֹכַחְתִּי לַבְּקָרִֽיםVaehi nagua kol-hayom vetojajti labkarim
15אִם־אָמַרְתִּי אֲסַפְּרָה כְמוֹ הִנֵּה דוֹר בָּנֶיךָ בָגָֽדְתִּיIm-amarti asapra jemo hine dor baneyja vagadti
16וָאֲחַשְּׁבָה לָדַעַת זֹאת עָמָל (היא) [הוּא] בְעֵינָֽיVaajashva ladaat zot amal (hy) [hu] veeynay
17עַד־אָבוֹא אֶל־מִקְדְּשֵׁי־אֵל אָבִינָה לְאַחֲרִיתָֽםAd-avo el-mikdshey-el avina leajaritam
18אַךְ בַּחֲלָקוֹת תָּשִׁית לָמוֹ הִפַּלְתָּם לְמַשּׁוּאֽוֹתAj bajalakot tashit lamo hipaltam lemashuot
19אֵיךְ הָיוּ לְשַׁמָּה כְרָגַע סָפוּ תַמּוּ מִן־בַּלָּהֽוֹתEyj hayu leshama jeraga safu tamu min-balahot
20כַּחֲלוֹם מֵהָקִיץ אֲדֹנָי בָּעִיר צַלְמָם תִּבְזֶֽהKajalom mehakitz adonay bair tzalmam tivze
21כִּי יִתְחַמֵּץ לְבָבִי וְכִלְיוֹתַי אֶשְׁתּוֹנָֽןKi yitjametz levavi vejilyotay eshtonan
22וַאֲנִי־בַעַר וְלֹא אֵדָע בְּהֵמוֹת הָיִיתִי עִמָּֽךְVaani-vaar velo eda behemot hayiti imaj
23וַאֲנִי תָמִיד עִמָּךְ אָחַזְתָּ בְּיַד־יְמִינִֽיVaani tamid imaj ajazta beyad-yemini
24בַּעֲצָתְךָ תַנְחֵנִי וְאַחַר כָּבוֹד תִּקָּחֵֽנִיBaatzatja tanjeni veajar kavod tikajeni
25מִי־לִי בַשָּׁמָיִם וְעִמְּךָ לֹא־חָפַצְתִּי בָאָֽרֶץMi-li vashamayim veimja lo-jafatzti vaaretz
26כָּלָה שְׁאֵרִי וּלְבָבִי צוּר־לְבָבִי וְחֶלְקִי אֱלֹהִים לְעוֹלָֽםKala sheeri ulvavi tzur-levavi vejelki elohim leolam
27כִּֽי־הִנֵּה רְחֵקֶיךָ יֹאבֵדוּ הִצְמַתָּה כׇּל־זוֹנֶה מִמֶּֽךָּKi-hine rejekeyja yovedu hitzmata kol-zone mimeja
28וַאֲנִי קִרְבַת אֱלֹהִים לִי־טוֹב שַׁתִּי בַּאדֹנָי יֱהֹוִה מַחְסִי לְסַפֵּר כׇּל־מַלְאֲכוֹתֶֽיךָVaani kirvat elohim li-tov shati badonay yehovi majsi lesaper kol-malajoteyja