Capítulo 56
1לַמְנַצֵּחַ עַל־יוֹנַת אֵלֶם רְחֹקִים לְדָוִד מִכְתָּם בֶּאֱחֹז אוֹתוֹ פְלִשְׁתִּים בְּגַֽתLamnatzeja al-yonat elem rejokim ledavid mijtam beejoz oto felishtim begat
2חׇנֵּנִי אֱלֹהִים כִּֽי־שְׁאָפַנִי אֱנוֹשׁ כׇּל־הַיּוֹם לֹחֵם יִלְחָצֵֽנִיJoneni elohim ki-sheafani enosh kol-hayom lojem yiljatzeni
3שָׁאֲפוּ שׁוֹרְרַי כׇּל־הַיּוֹם כִּֽי־רַבִּים לֹחֲמִים לִי מָרֽוֹםShaafu shorray kol-hayom ki-rabim lojamim li marom
4יוֹם אִירָא אֲנִי אֵלֶיךָ אֶבְטָֽחYom ira ani eleyja evtaj
5בֵּאלֹהִים אֲהַלֵּל דְּבָרוֹ בֵּאלֹהִים בָּטַחְתִּי לֹא אִירָא מַה־יַּעֲשֶׂה בָשָׂר לִֽיBelohim ahalel devaro belohim batajti lo ira ma-yaase vasar li
6כׇּל־הַיּוֹם דְּבָרַי יְעַצֵּבוּ עָלַי כׇּל־מַחְשְׁבֹתָם לָרָֽעKol-hayom devaray yeatzevu alay kol-majshvotam lara
7יָגוּרוּ (יצפינו) [יִצְפּוֹנוּ] הֵמָּה עֲקֵבַי יִשְׁמֹרוּ כַּאֲשֶׁר קִוּוּ נַפְשִֽׁיYaguru (ytzfynv) [yitzponu] hema akevay yishmoru kaasher kiuu nafshi
8עַל־אָוֶן פַּלֶּט־לָמוֹ בְּאַף עַמִּים הוֹרֵד אֱלֹהִֽיםAl-aven palet-lamo beaf amim hored elohim
9נֹדִי סָפַרְתָּה אָתָּה שִׂימָה דִמְעָתִי בְנֹאדֶךָ הֲלֹא בְּסִפְרָתֶֽךָNodi safarta ata sima dimati venodeja halo besifrateja
10אָז יָשׁוּבוּ אוֹיְבַי אָחוֹר בְּיוֹם אֶקְרָא זֶֽה־יָדַעְתִּי כִּֽי־אֱלֹהִים לִֽיAz yashuvu oyvay ajor beyom ekra ze-yadati ki-elohim li
11בֵּאלֹהִים אֲהַלֵּל דָּבָר בַּיהֹוָה אֲהַלֵּל דָּבָֽרBelohim ahalel davar bayhova ahalel davar
12בֵּאלֹהִים בָּטַחְתִּי לֹּא אִירָא מַה־יַּעֲשֶׂה אָדָם לִֽיBelohim batajti lo ira ma-yaase adam li
13עָלַי אֱלֹהִים נְדָרֶיךָ אֲשַׁלֵּם תּוֹדֹת לָֽךְAlay elohim nedareyja ashalem todot laj
14כִּי הִצַּלְתָּ נַפְשִׁי מִמָּוֶת הֲלֹא רַגְלַי מִדֶּחִי לְהִֽתְהַלֵּךְ לִפְנֵי אֱלֹהִים בְּאוֹר הַחַיִּֽיםKi hitzalta nafshi mimavet halo raglay mideji lehithalej lifney elohim beor hajayim