Capítulo 24
1לְדָוִד מִזְמוֹר לַֽיהֹוָה הָאָרֶץ וּמְלוֹאָהּ תֵּבֵל וְיֹשְׁבֵי בָֽהּLedavid mizmor layhova haaretz umloah tevel veyoshvey vah
2כִּי־הוּא עַל־יַמִּים יְסָדָהּ וְעַל־נְהָרוֹת יְכוֹנְנֶֽהָKi-hu al-yamim yesadah veal-neharot yejonne
3מִֽי־יַעֲלֶה בְהַר־יְהֹוָה וּמִי־יָקוּם בִּמְקוֹם קׇדְשֽׁוֹMi-yaale vehar-Adonai umi-yakum bimkom kodsho
4נְקִי כַפַּיִם וּֽבַר־לֵבָב אֲשֶׁר לֹא־נָשָׂא לַשָּׁוְא נַפְשִׁי וְלֹא נִשְׁבַּע לְמִרְמָֽהNeki japayim uvar-levav asher lo-nasa lashav nafshi velo nishba lemirma
5יִשָּׂא בְרָכָה מֵאֵת יְהֹוָה וּצְדָקָה מֵאֱלֹהֵי יִשְׁעֽוֹYisa veraja meet Adonai utzdaka meelohey yisho
6זֶה דּוֹר דֹּרְשָׁו מְבַקְשֵׁי פָנֶיךָ יַעֲקֹב סֶֽלָהZe dor dorshav mevakshey faneyja yaakov sela
7שְׂאוּ שְׁעָרִים רָֽאשֵׁיכֶם וְֽהִנָּשְׂאוּ פִּתְחֵי עוֹלָם וְיָבוֹא מֶלֶךְ הַכָּבֽוֹדSeu shearim rasheyjem vehinasu pitjey olam veyavo melej hakavod
8מִי זֶה מֶלֶךְ הַכָּבוֹד יְהֹוָה עִזּוּז וְגִבּוֹר יְהֹוָה גִּבּוֹר מִלְחָמָֽהMi ze melej hakavod Adonai izuz vegibor Adonai gibor miljama
9שְׂאוּ שְׁעָרִים רָֽאשֵׁיכֶם וּשְׂאוּ פִּתְחֵי עוֹלָם וְיָבֹא מֶלֶךְ הַכָּבֽוֹדSeu shearim rasheyjem usu pitjey olam veyavo melej hakavod
10מִי־הוּא זֶה מֶלֶךְ הַכָּבוֹד יְהֹוָה צְבָאוֹת הוּא מֶלֶךְ הַכָּבוֹד סֶֽלָהMi-hu ze melej hakavod Adonai tzevaot hu melej hakavod sela