Capítulo 140
1לַמְנַצֵּחַ מִזְמוֹר לְדָוִֽדLamnatzeja mizmor ledavid
2חַלְּצֵנִי יְהֹוָה מֵאָדָם רָע מֵאִישׁ חֲמָסִים תִּנְצְרֵֽנִיJaltzeni Adonai meadam ra meish jamasim tintzreni
3אֲשֶׁר חָשְׁבוּ רָעוֹת בְּלֵב כׇּל־יוֹם יָגוּרוּ מִלְחָמֽוֹתAsher jashvu raot belev kol-yom yaguru miljamot
4שָׁנְנוּ לְשׁוֹנָם כְּֽמוֹ־נָחָשׁ חֲמַת עַכְשׁוּב תַּחַת שְׂפָתֵימוֹ סֶֽלָהShannu leshonam kemo-najash jamat ajshuv tajat sefateymo sela
5שׇׁמְרֵנִי יְהֹוָה מִידֵי רָשָׁע מֵאִישׁ חֲמָסִים תִּנְצְרֵנִי אֲשֶׁר חָשְׁבוּ לִדְחוֹת פְּעָמָֽיShomreni Adonai midey rasha meish jamasim tintzreni asher jashvu lidjot peamay
6טָמְנֽוּ־גֵאִים פַּח לִי וַחֲבָלִים פָּרְשׂוּ רֶשֶׁת לְיַד־מַעְגָּל מֹקְשִׁים שָׁתוּ־לִי סֶֽלָהTamnu-geim paj li vajavalim parsu reshet leyad-magal mokshim shatu-li sela
7אָמַרְתִּי לַיהֹוָה אֵלִי אָתָּה הַאֲזִינָה יְהֹוָה קוֹל תַּחֲנוּנָֽיAmarti layhova eli ata haazina Adonai kol tajanunay
8יֱהֹוִה אֲדֹנָי עֹז יְשׁוּעָתִי סַכֹּתָה לְרֹאשִׁי בְּיוֹם נָֽשֶׁקYehovi adonay oz yeshuati sakota leroshi beyom nashek
9אַל־תִּתֵּן יְהֹוָה מַאֲוַיֵּי רָשָׁע זְמָמוֹ אַל־תָּפֵק יָרוּמוּ סֶֽלָהAl-titen Adonai maavayey rasha zemamo al-tafek yarumu sela
10רֹאשׁ מְסִבָּי עֲמַל שְׂפָתֵימוֹ (יכסומו) [יְכַסֵּֽימוֹ]Rosh mesibay amal sefateymo (yjsvmv) [yejaseymo]
11(ימיטו) [יִמּוֹטוּ] עֲלֵיהֶם גֶּחָלִים בָּאֵשׁ יַפִּלֵם בְּמַהֲמֹרוֹת בַּל־יָקֽוּמוּ(ymytv) [yimotu] aleyhem gejalim baesh yapilem bemahamorot bal-yakumu
12אִישׁ לָשׁוֹן בַּל־יִכּוֹן בָּאָרֶץ אִישׁ־חָמָס רָע יְצוּדֶנּוּ לְמַדְחֵפֹֽתIsh lashon bal-yikon baaretz ish-jamas ra yetzudenu lemadjefot
13(ידעת) [יָדַעְתִּי] כִּֽי־יַעֲשֶׂה יְהֹוָה דִּין עָנִי מִשְׁפַּט אֶבְיֹנִֽים(ydt) [yadati] ki-yaase Adonai din ani mishpat evyonim
14אַךְ צַדִּיקִים יוֹדוּ לִשְׁמֶךָ יֵשְׁבוּ יְשָׁרִים אֶת־פָּנֶֽיךָAj tzadikim yodu lishmeja yeshvu yesharim et-paneyja