Capítulo 132
1שִׁיר הַֽמַּעֲלוֹת זְכוֹר־יְהֹוָה לְדָוִד אֵת כׇּל־עֻנּוֹתֽוֹShir hamaalot zejor-Adonai ledavid et kol-unoto
2אֲשֶׁר נִשְׁבַּע לַֽיהֹוָה נָדַר לַאֲבִיר יַעֲקֹֽבAsher nishba layhova nadar laavir yaakov
3אִם־אָבֹא בְּאֹהֶל בֵּיתִי אִם־אֶעֱלֶה עַל־עֶרֶשׂ יְצוּעָֽיIm-avo beohel beyti im-eele al-eres yetzuay
4אִם־אֶתֵּן שְׁנַת לְעֵינָי לְֽעַפְעַפַּי תְּנוּמָֽהIm-eten shenat leeynay leafapay tenuma
5עַד־אֶמְצָא מָקוֹם לַיהֹוָה מִשְׁכָּנוֹת לַאֲבִיר יַעֲקֹֽבAd-emtza makom layhova mishkanot laavir yaakov
6הִנֵּֽה־שְׁמַעֲנוּהָ בְאֶפְרָתָה מְצָאנוּהָ בִּשְׂדֵי־יָֽעַרHine-shemaanu veefrata metzanu bisdey-yaar
7נָבוֹאָה לְמִשְׁכְּנוֹתָיו נִשְׁתַּחֲוֶה לַהֲדֹם רַגְלָֽיוNavoa lemishknotayv nishtajave lahadom raglayv
8קוּמָה יְהֹוָה לִמְנוּחָתֶךָ אַתָּה וַאֲרוֹן עֻזֶּֽךָKuma Adonai limnujateja ata vaaron uzeja
9כֹּהֲנֶיךָ יִלְבְּשׁוּ־צֶדֶק וַחֲסִידֶיךָ יְרַנֵּֽנוּKohaneyja yilbshu-tzedek vajasideyja yeranenu
10בַּעֲבוּר דָּוִד עַבְדֶּךָ אַל־תָּשֵׁב פְּנֵי מְשִׁיחֶֽךָBaavur david avdeja al-tashev peney meshijeja
11נִשְׁבַּֽע־יְהֹוָה לְדָוִד אֱמֶת לֹא־יָשׁוּב מִמֶּנָּה מִפְּרִי בִטְנְךָ אָשִׁית לְכִסֵּא־לָֽךְNishba-Adonai ledavid emet lo-yashuv mimena mipri vitnja ashit lejise-laj
12אִֽם־יִשְׁמְרוּ בָנֶיךָ בְּרִיתִי וְעֵדֹתִי זוֹ אֲלַמְּדֵם גַּם־בְּנֵיהֶם עֲדֵי־עַד יֵשְׁבוּ לְכִסֵּא־לָֽךְIm-yishmru vaneyja beriti veedoti zo alamdem gam-beneyhem adey-ad yeshvu lejise-laj
13כִּי־בָחַר יְהֹוָה בְּצִיּוֹן אִוָּהּ לְמוֹשָׁב לֽוֹKi-vajar Adonai betzion ivah lemoshav lo
14זֹאת־מְנוּחָתִי עֲדֵי־עַד פֹּה־אֵשֵׁב כִּי אִוִּתִֽיהָZot-menujati adey-ad po-eshev ki iviti
15צֵידָהּ בָּרֵךְ אֲבָרֵךְ אֶבְיוֹנֶיהָ אַשְׂבִּיעַֽ לָֽחֶםTzeydah barej avarej evyoney asbia lajem
16וְֽכֹהֲנֶיהָ אַלְבִּישׁ יֶשַׁע וַחֲסִידֶיהָ רַנֵּן יְרַנֵּֽנוּVejohaney albish yesha vajasidey ranen yeranenu
17שָׁם אַצְמִיחַ קֶרֶן לְדָוִד עָרַכְתִּי נֵר לִמְשִׁיחִֽיSham atzmija keren ledavid arajti ner limshiji
18אוֹיְבָיו אַלְבִּישׁ בֹּשֶׁת וְעָלָיו יָצִיץ נִזְרֽוֹOyvayv albish boshet vealayv yatzitz nizro