Capítulo 104
1בָּרְכִי נַפְשִׁי אֶת־יְהֹוָה יְהֹוָה אֱלֹהַי גָּדַלְתָּ מְּאֹד הוֹד וְהָדָר לָבָֽשְׁתָּBarji nafshi et-Adonai Adonai elohay gadalta meod hod vehadar lavashta
2עֹֽטֶה־אוֹר כַּשַּׂלְמָה נוֹטֶה שָׁמַיִם כַּיְרִיעָֽהOte-or kasalma note shamayim kayria
3הַמְקָרֶה בַמַּיִם עֲֽלִיּוֹתָיו הַשָּׂם־עָבִים רְכוּבוֹ הַֽמְהַלֵּךְ עַל־כַּנְפֵי־רֽוּחַHamkare vamayim aliotayv hasam-avim rejuvo hamhalej al-kanfey-ruja
4עֹשֶׂה מַלְאָכָיו רוּחוֹת מְשָׁרְתָיו אֵשׁ לֹהֵֽטOse malajayv rujot meshartayv esh lohet
5יָֽסַד־אֶרֶץ עַל־מְכוֹנֶיהָ בַּל־תִּמּוֹט עוֹלָם וָעֶֽדYasad-eretz al-mejoney bal-timot olam vaed
6תְּהוֹם כַּלְּבוּשׁ כִּסִּיתוֹ עַל־הָרִים יַעַמְדוּ־מָֽיִםTehom kalvush kisito al-harim yaamdu-mayim
7מִן־גַּעֲרָתְךָ יְנוּסוּן מִן־קוֹל רַעַמְךָ יֵחָפֵזֽוּןMin-gaaratja yenusun min-kol raamja yejafezun
8יַעֲלוּ הָרִים יֵרְדוּ בְקָעוֹת אֶל־מְקוֹם זֶה יָסַדְתָּ לָהֶֽםYaalu harim yerdu vekaot el-mekom ze yasadta lahem
9גְּֽבוּל־שַׂמְתָּ בַּל־יַעֲבֹרוּן בַּל־יְשֻׁבוּן לְכַסּוֹת הָאָֽרֶץGevul-samta bal-yaavorun bal-yeshuvun lejasot haaretz
10הַֽמְשַׁלֵּחַ מַעְיָנִים בַּנְּחָלִים בֵּין הָרִים יְהַלֵּכֽוּןHamshaleja mayanim banjalim beyn harim yehalejun
11יַשְׁקוּ כׇּל־חַיְתוֹ שָׂדָי יִשְׁבְּרוּ פְרָאִים צְמָאָֽםYashku kol-jayto saday yishbru feraim tzemaam
12עֲלֵיהֶם עוֹף־הַשָּׁמַיִם יִשְׁכּוֹן מִבֵּין עֳפָאיִם יִתְּנוּ־קֽוֹלAleyhem of-hashamayim yishkon mibeyn ofayim yitnu-kol
13מַשְׁקֶה הָרִים מֵעֲלִיּוֹתָיו מִפְּרִי מַעֲשֶׂיךָ תִּשְׂבַּע הָאָֽרֶץMashke harim mealiotayv mipri maaseyja tisba haaretz
14מַצְמִיחַ חָצִיר לַבְּהֵמָה וְעֵשֶׂב לַעֲבֹדַת הָאָדָם לְהוֹצִיא לֶחֶם מִן־הָאָֽרֶץMatzmija jatzir labhema veesev laavodat haadam lehotzi lejem min-haaretz
15וְיַיִן יְשַׂמַּח לְֽבַב־אֱנוֹשׁ לְהַצְהִיל פָּנִים מִשָּׁמֶן וְלֶחֶם לְֽבַב־אֱנוֹשׁ יִסְעָֽדVeyayin yesamaj levav-enosh lehatzhil panim mishamen velejem levav-enosh yisad
16יִשְׂבְּעוּ עֲצֵי יְהֹוָה אַֽרְזֵי לְבָנוֹן אֲשֶׁר נָטָֽעYisbu atzey Adonai arzey levanon asher nata
17אֲשֶׁר־שָׁם צִפֳּרִים יְקַנֵּנוּ חֲסִידָה בְּרוֹשִׁים בֵּיתָֽהּAsher-sham tziporim yekanenu jasida beroshim beytah
18הָרִים הַגְּבֹהִים לַיְּעֵלִים סְלָעִים מַחְסֶה לַֽשְׁפַנִּֽיםHarim hagvohim layelim selaim majse lashfanim
19עָשָׂה יָרֵחַ לְמוֹעֲדִים שֶׁמֶשׁ יָדַע מְבוֹאֽוֹAsa yareja lemoadim shemesh yada mevoo
20תָּֽשֶׁת־חֹשֶׁךְ וִיהִי לָיְלָה בּוֹ־תִרְמֹשׂ כׇּל־חַיְתוֹ־יָֽעַרTashet-joshej vihi layla bo-tirmos kol-jayto-yaar
21הַכְּפִירִים שֹׁאֲגִים לַטָּרֶף וּלְבַקֵּשׁ מֵאֵל אׇכְלָֽםHakfirim shoagim lataref ulvakesh meel ojlam
22תִּזְרַח הַשֶּׁמֶשׁ יֵאָסֵפוּן וְאֶל־מְעוֹנֹתָם יִרְבָּצֽוּןTizraj hashemesh yeasefun veel-meonotam yirbatzun
23יֵצֵא אָדָם לְפׇעֳלוֹ וְֽלַעֲבֹדָתוֹ עֲדֵי־עָֽרֶבYetze adam lefoolo velaavodato adey-arev
24מָה־רַבּוּ מַעֲשֶׂיךָ יְֽהֹוָה כֻּלָּם בְּחׇכְמָה עָשִׂיתָ מָלְאָה הָאָרֶץ קִנְיָנֶֽךָMa-rabu maaseyja yehova kulam bejojma asita mala haaretz kinyaneja
25זֶה הַיָּם גָּדוֹל וּרְחַב יָדָיִם שָֽׁם־רֶמֶשׂ וְאֵין מִסְפָּר חַיּוֹת קְטַנּוֹת עִם־גְּדֹלֽוֹתZe hayam gadol urjav yadayim sham-remes veeyn mispar jayot ketanot im-gedolot
26שָׁם אֳנִיּוֹת יְהַלֵּכוּן לִוְיָתָן זֶֽה־יָצַרְתָּ לְשַֽׂחֶק־בּֽוֹSham oniot yehalejun livyatan ze-yatzarta lesajek-bo
27כֻּלָּם אֵלֶיךָ יְשַׂבֵּרוּן לָתֵת אׇכְלָם בְּעִתּֽוֹKulam eleyja yesaberun latet ojlam beito
28תִּתֵּן לָהֶם יִלְקֹטוּן תִּפְתַּח יָדְךָ יִשְׂבְּעוּן טֽוֹבTiten lahem yilkotun tiftaj yadja yisbun tov
29תַּסְתִּיר פָּנֶיךָ יִֽבָּהֵלוּן תֹּסֵף רוּחָם יִגְוָעוּן וְֽאֶל־עֲפָרָם יְשׁוּבֽוּןTastir paneyja yibahelun tosef rujam yigvaun veel-afaram yeshuvun
30תְּשַׁלַּח רוּחֲךָ יִבָּרֵאוּן וּתְחַדֵּשׁ פְּנֵי אֲדָמָֽהTeshalaj rujaja yibareun utjadesh peney adama
31יְהִי כְבוֹד יְהֹוָה לְעוֹלָם יִשְׂמַח יְהֹוָה בְּמַעֲשָֽׂיוYehi jevod Adonai leolam yismaj Adonai bemaasayv
32הַמַּבִּיט לָאָרֶץ וַתִּרְעָד יִגַּע בֶּהָרִים וְֽיֶעֱשָֽׁנוּHamabit laaretz vatirad yiga beharim veyeeshanu
33אָשִׁירָה לַיהֹוָה בְּחַיָּי אֲזַמְּרָה לֵאלֹהַי בְּעוֹדִֽיAshira layhova bejayay azamra lelohay beodi
34יֶעֱרַב עָלָיו שִׂיחִי אָנֹכִי אֶשְׂמַח בַּיהֹוָֽהYeerav alayv siji anoji esmaj bayhova
35יִתַּמּוּ חַטָּאִים מִן־הָאָרֶץ וּרְשָׁעִים עוֹד אֵינָם בָּרְכִי נַפְשִׁי אֶת־יְהֹוָה הַֽלְלוּ־יָֽהּYitamu jataim min-haaretz urshaim od eynam barji nafshi et-Adonai hallu-yah